Nobedadeen berri izateko,
harpidetu gure buletinera

Gaurkotasuna

PPREN GOBERNUAK ETA JAURLARITZAK 1.300 MILIOI EUROTAN EZARRI DUTE KUPOA
Tuesday, 28 de June de 2016

PPren Gobernuak eta Jaurlaritzak 1.300 milioi eurotan ezarri dute Kupoa

2017/05/17Iturria: EITB.EUS

Pedro Azpiazu Ekonomia sailburuak eta Cristobal Montoro Ogasun ministroak sinatu dute 2022a arte indarrean izango den ituna.

Euskal Autonomia Erkidegoko Kupoari buruzko akordioa sinatu dute arratsalde honetan Pedro Azpiazu Ogasun eta Ekonomia sailburuak eta Cristobal Montoro Ogasun ministroak. Espainiako Gobernuak eta Eusko Jaurlaritzak adostutakoaren arabera, Kupoaren oinarria 1.300 milioi eurokoa izango datozen 15 urteetan.

Ituna sinatzeko ekitaldia Madrilen egin dute. Euskadiren izenean, Pedro Azpiazu, Josu Erkoreka Jaurlaritzaren bozeramailea eta Arabako, Bizkaiko eta Gipuzkoako ahaldun nagusiak izan dira; Espainiako Gobernua, berriz, Cristobal Montorok eta zenbait Estatu idazkarik ordezkatu dute.

Akordioak 11 puntu ditu, tartean dago 2007 eta 2011 urteen arteko kupo eta konpentsazioen behin betiko likidazioa. Zenbateko hori urtean 5.000 milioi euro baino gehiagokoa zen.

2012tik 2015era egindako luzapenaren eta 2016ko behin-behineko kantitateak zehaztu dituzte: 6.000 milioi euro guztira, gutxi gorabehera.